షీప్‌ ఫామ్‌లో డ్రగ్స్‌ని దాచి, వాటిని విక్రయిస్తున్న షెపర్డ్‌కి జీవిత ఖైదు పడింది. అబుదాబీ న్యాయస్థానం, ఆసియాకి చెందిన ఈ వ్యక్తిని దోషిగా నిర్ధారించి, శిక్షను ఖరారు చేయడం జరిగింది. అబుదాబీ సిటీ శివార్లలోని ఓ షీప్‌ఫామ్‌లో నిందితుడు షెపర్డ్‌గా పనిచేస్తున్నాడు. పెద్ద మొత్తంలో హెరాయిన్‌ క్యాప్సూల్స్‌ని నిందితుడు పాతిపెట్టి, భద్రపరిచినట్లుగా విచారణలో గుర్తించారు పోలీసులు. నిందితుడికి సంబంధించిన సమాచారం అందుకున్న యాంటీ నార్కోటిక్స్‌ డిపార్ట్‌మెంట్‌, వ్యూహాత్మకంగా విచారణ బృందాల్ని రంగంలోకి దింపింది. నిందితుడి అనుపానుల్ని జాగ్రత్తగా గుర్తించి, రెడ్‌ హ్యాండెడ్‌గా అతన్ని పట్టుకున్నారు విచారణ అధికారులు. యూఏఈ వెలుపల ఉన్న కొందరు డీలర్స్‌ నుంచి తాను డ్రగ్స్‌ సేకరించి, యూఏఈలో విక్రయిస్తున్నట్లు నిందితుడు విచారణలో అంగీకరించడంతో న్యాయస్థానం శిక్షలు ఖరారు చేసింది.