ఫిలిప్పీన్స్‌లోని దవావో విమానాశ్రయ ప్రాజెక్టును చేజిక్కించుకునే రేసులో జిఎంఆర్‌-మెగావైడ్‌ కన్సార్షియం దూసుకుపోతోంది. 81 కోట్ల డాలర్లతో అభివృద్ధి చేయనున్న ఈ విమానాశ్రయ ప్రాజెక్టులో జిఎంఆర్‌ కన్సార్షియం ప్రీ క్వాలిఫైడ్‌ బిడ్డర్‌గా నిలిచింది. ఫ్రాన్సిస్కో బాంగాయ్‌ ఇంటర్నేషనల్‌ ఎయిర్‌పోర్టుగా పిలిచే దవావో విమానాశ్రయం 15 ఏళ్లుగా కార్యకలాపాలు సాగిస్తోంది. ఇప్పటికే ఫిలిప్పీన్స్‌లోని మక్టన్‌ సెబూ ఇంటర్నేషనల్‌ విమానాశ్రయాన్ని జిఎంఆర్‌-మెగావైడ్‌ కన్సార్షియం విజయవంతంగా నిర్వహిస్తోంది.