బహ్రెయిన్‌ పార్మర్‌ మార్కెట్‌, తిరిగి సందడి చేయడానికి సిద్ధమయ్యింది. రమ్లి మాల్‌లో ఈ మార్కెట్‌ శనివారం అందరికీ అందుబాటులోకి రానుంది. బుడైయాలో ఐదో సీజన్‌ ముగించుకున్న ఫార్మర్స్‌ మార్కెట్‌ ఈసారి రమ్లి మాల్‌లో సందడి చేస్తుంది. రమ్లి మాల్‌, బహ్రెయిన్‌ ఫార్మర్స్‌ మార్కెట్‌ అలాగే అగ్రికల్చర్‌ మెరైన్‌ రిసోర్సెస్‌ సంయుక్తంగా ఈ మార్కెట్‌ని నిర్వహించనున్నాయి. గ్రౌండ్‌ ఫ్లోర్‌ కార్‌ పార్కింగ్‌ వద్ద ఏర్పాటు కానున్న ఈ మార్కెట్‌ ఉదయం 8 గంటల నుంచి ఐదు గంటలవరకు అందుబాటులో ఉంటుంది.తాజా కూరగాయలు, పళ్ళు మాత్రమే కాకుండా ఫుడ్‌ స్టాల్స్‌ విచ్చేసినవారికి చవులూరించే వంటకాల్ని అందిస్తాయి. లైవ్‌ కుకింగ్‌, లైవ్‌ బ్రెడ్‌ మేకింగ్‌ ఇక్కడి ప్య్రేకతలు. బహ్రెయినీ డైరీ ప్రోడక్ట్స్‌ మరో ప్రధాన ఆకర్షణ కానున్నాయి. ఎగ్స్‌, బహ్రెయినీ డేట్స్‌తోపాటుగా పలు సాంస్కృతిక ప్రదర్శనలు కూడా ఉంటాయని నిర్వాహకులు తెలిపారు. ఫార్మర్స్‌ మార్కెట్‌లో ఆర్గానిక్‌ ఉత్పత్తులు లభ్యమవుతాయి.