లేబర్‌ మార్కెట్‌ రెగ్యులేటరీ అథారిటీ (ఎల్‌ఎంఆర్‌ఎ), శాశ్వతంగా ఓ మేన్‌ పవర్‌ రిక్రూట్‌మెంట్‌ ఏజెన్సీ లైసెన్స్‌ని రద్దు చేసింది. బంపర్‌ ప్రైజ్‌ కింద హౌస్‌మెయిడ్‌ని అందిస్తామంటూ ఇచ్చిన ప్రకటన నేపథ్యంలో ఎల్‌ఎంఆర్‌ఎ ఈ నిర్ణయం తీసుకుంది. అత్యంత తీవ్రమైన నేరంగా పరిగణించే హ్యూమన్‌ ట్రాఫికింగ్‌కి పాల్పడుతున్నట్లుగా ఆ సంస్థపై అభియోగాలున్నాయి. అల్‌ హజీమ్‌ మేన్‌పవర్‌ ఏజెన్సీ, ఈ దారుణమైన ప్రకటనను సోషల్‌ మీడియా ద్వారా ప్రచారం చేసింది. ఇథియోపియన్‌ హౌస్‌మెయిడ్‌ని బంపర్‌ ప్రైజ్‌ కింద ఇవ్వనున్నట్లు ఆ సంస్థ ప్రకటించింది. సంస్థపై విచారణ ఇప్పటికే ప్రారంభమయ్యిందనీ, విచారణలో పలు వాస్తవాలు వెలుగు చూశాయనీ, ఇంతకుముందు కూడా పలుమార్లు నిబంధనల ఉల్లంఘన జరిగిందని అధికారులు వెల్లడించారు