ఒబామాకేర్‌ను రద్దు చేయాలంటూ దిగువ సభ కాంగ్రెస్‌లో జరిగిన ఓటింగ్‌లో రిపబ్లికన్ పార్టీ విజయం సాధించింది. ఒబామాకేర్ స్థానంలో ట్రంప్ ప్రభుత్వం రిపబ్లికన్ హెల్త్ కేర్ బిల్లును ప్రవేశపెట్టింది. ట్రంప్ ప్రభుత్వం చేస్తున్న ప్రయత్నాలను డెమోక్రాట్లు వ్యతిరేకించారు. ఒబామాకేర్‌ను రద్దు చేయడంవల్ల లక్షలాది మంది అమెరికన్లు ఆరోగ్య భీమా కోల్పోతారు అని డెమోక్రాట్లు ఆరోపించారు. దిగువసభలో ఆమోదం పొందిన బిల్లు ఇప్పుడు సెనెట్‌కు వెళుతుంది.  అయితే సెనెట్‌లో బిల్లును మార్చి కొత్త చట్టాన్ని రూపొందించేందుకు ప్రయత్నాలు సాగుతున్నాయి.  రిపబ్లికన్ హెల్త్‌కేర్ బిల్లు వల్ల పేదలు ఇన్సూరెన్స్ కోల్పోతారు అని డెమోక్రాట్లు ఆరోపిస్తున్నారు.  కొన్ని హాస్పిటల్స్, కొంతమంది డాక్టర్లు కూడా రిపబ్లికన్ హెల్త్ కేర్ బిల్లును వ్యతిరేకిస్తున్నారు.  2010 లో ఏర్పాటు చేసిన ఒబామాకేర్  పథకం కింద రెండు కోట్ల మంది హెల్త్ ఇన్సూరెన్స్ పొందారు.