మజెద్‌ అల్‌ ఒతైబి, ఇప్పటికీ తాను కోల్పోయిన రెండు కాళ్ళు, ఆనాటి ఘటనను మర్చిపోలేనని అంటాడు. టీచర్‌గా పనిచేసే మజెద్‌, స్కూలుకి వెళుతుండగా, రోడ్డు ప్రమాదానికి గురై కాళ్ళు కోల్పోయాడు. అయితే జీవితంలో మళ్ళీ నడవాలనే పట్టుదలే తనను ఈ రోజు నిలబెట్టిందని చెబుతాడాయన. రెండు కాళ్ళు కోల్పోయే సమయానికి ఐదు నెలల క్రితమే తనకు పెళ్ళయ్యిందని, క్లిష్టమైన పరిస్థితుల్లో తన భార్య, కుటుంబం తనకు అండగా నిలిచిందని చెప్పాడు మజెద్‌ అల్‌ ఒతైబి. కొంచెం కోలుకున్నాక తిరిగి టీచింగ్‌ ప్రొఫెషన్‌ చేపట్టానని, ఫిజియోథెరపిస్టుల సాయంతో, ఆర్టిఫీషియల్‌ లింబ్స్‌తో నడవగలగడం మొదట్లో చాలా కష్టంగా అనిపించిందని మజెద్‌ వివరించాడు. తాను ఇలా ఈ స్థాయిలో నిలబడ్డానికి కారణం ఫిలిప్పినోకి చెందిన థెరపిస్ట్‌ త్రిష్టన్‌ ఎంతో సహకరించాడని మజెద్‌ చెప్పాడు.