చైనాలో భారతీయ సినిమాలను ఆదరించే వారి సంఖ్య ఎక్కువే.  ముఖ్యంగా బాలీవుడ్ స్టార్ అమీర్ ఖాన్ సినిమాలకు మంచి ఆదరణ లభిస్తుంది అక్కడ. అమీర్ నటించిన పీకే సినిమా కేవలం చైనా బాక్సాఫీసులోనే రూ. 100 కోట్లు వసూలు చేసింది.  చైనాలోని అతిపెద్ద సినిమా ఆపరేటర్ వాండా ఈ సినిమాను ప్రదర్శించకూడదని నిర్ణయించినా.. 7 వేల స్క్రీన్లలో దంగల్ సినిమా రిలీజైంది.  విడుదలైన తొలిరోజే 15 కోట్లు వసూలు చేసింది.  ఎక్కువగా హాలీవుడ్ సినిమాల డామినేషన్ కనిపించే చైనా మార్కెట్లో బాలీవుడ్ సినిమాలు కూడా ఆకట్టుకుంటాయని అమీర్ ఇప్పటికే నిరూపించాడు.  
ప్రభుత్వ అనుమతి లేకుండా విదేశీ సినిమాలను చైనాలో నేరుగా విడుదల చేయడానికి వీల్లేదు.  పీకే సినిమాకు మంచి వసూళ్లు వచ్చినప్పటినుంచి చైనా మార్కెట్లో మన సినిమాలు విడుదల చేయడానికి భారతీయ నిర్మాతలు మంచి ఉత్సాహం చూపిస్తున్నారు.