మెగాస్టార్ చిరంజీవి 151 మూవీగా స్వాతంత్ర్య సమరయోధుడు ఉయ్యాలవాడ నరసింహారెడ్డి జీవిత చరిత్ర ఆధారంగా తెరకెక్కుతోన్న విషయం తెలిసిందే. సీనియర్ రైటర్స్ పరుచూరి బ్రదర్స్ ఈ మూవీ ప్రీ ప్రొడక్షన్‌ ఫినిష్ చేసే పనిలో పడ్డారు. అయితే ఉయ్యాలవాడ జీవితానికి వీరపాండ్య కట్టబొమ్మన జీవితానికి చాలా పోలికలు వున్నాయట. ముఖ్యంగా వీరపాండ్య కట్టబొమ్మనలాగే ఉయ్యాలవాడ కూడా తన అనుచరుడి నమ్మకద్రోహం వల్లే బ్రిటిష్ వారికి చిక్కి చంపబడ్డాడట. దాంతో ఉయ్యాలవాడపై వీరపాండ్య వాసనలు రాకుండా పరుచూరి బ్రదర్స్ ప్రయత్నిస్తున్నారట.
ఇక ఈ మూవీలో హీరోయిన్ ఎవరనే విషయంలో కూడా ఊగిసలాటలో వుంది యూనిట్. చిరంజీవితో ఐశ్వర్య రాయ్ ఆల్మోస్ట్ ఫైనల్ అనే న్యూస్ ఇప్పటికే వచ్చింది. అయితే డైరెక్టర్ సురేంద్ర రెడ్డి మాత్రం ఐశ్వర్య రాయ్..విద్యాబాలన్ ఇద్దరితో ఉయ్యాలవాడ కోసం మీట్ అయ్యాడట. ఈ ఇద్దరిలో ఎవర్ని ఫైనల్ చేయాలనే విషయంలో ఇంకా సురేంద్ర రెడ్డి క్లారిటీగా లేడనేది ఇన్ సైడ్ న్యూస్. రామ్ చరణ్ ప్రొడ్యూస్ చేస్తున్న ఈ మూవీని చిరు బర్త్ డే ఆగస్ట్ 22న స్టార్ట్ చేయాలనే ప్లాన్ లో వున్నారు.