కామిడీ షో జబర్దస్త్ యాక్టర్ వినోద్ సూసైడ్ అటెంప్ట్ కలకలం సృష్టించింది. బలవంతంగా పెళ్లి చేస్తున్నారంటూ చేతిని కోసుకొని ఆత్మహత్యకు ప్రయత్నించాడు వినోద్. కడప జిల్లా సంజామల మండలం బొందలదిన్నెలో జరిగిందీ ఘటన.
జబర్దస్త్ లేడీ గెటప్ లో వినోద్ ఫుల్ ఫేమస్. మనోడు లేడీస్ కాదు జెంట్ అని చెబితేనే కానీ తెలీనంతగా జీవించేస్తాడు లేడీ కేరెక్టర్ లో. అచ్చం అమ్మాయిలానే కనిపిస్తూ.. అలానే నటిస్తూ.. అలానే మాట్లాడుతూ ఫుల్ క్రేజ్ సంపాదించాడు.  అమ్మాయిలకే అసూయ పుట్టించేటంత అందం అతని సొంతం. అతని చీర కట్టు.. బొట్టు.. కొప్పు.. చూస్తే.. ఎక్కడా అబ్బాయి అనిపించదు. అతను ఏ స్కిట్ వేసినా గోలగోలే. జబర్దస్త్ లో స్థిరపడిపోయిన వినోద్ కు పెళ్లి చేయాలని వాళ్లింట్లో నిర్ణయించారు. అయితే.. తనకు పెళ్లి వద్దంటూ వినోద్ నిరాకరిస్తూ వస్తున్నాడు. వినోద్ వాళ్ల అమ్మ కొడుక్కి బలవంతంగా పెళ్లి చేసే ప్రయత్నం చేయగా.. సూసైడ్ అటెంప్ట్ చేశాడు వినోద్. పోలీసులకు విషయం తెలియడంతో బలవంతపు పెళ్లిని నిలిపేశారు.