ట్రాఫిక్‌ జంక్షన్ల వద్ద ఎల్లో బాక్స్‌ల వల్ల ప్రయోజనం లేకుండా పోతోందని ఎంపీ డాక్టర్‌ జమీలా అల్‌ సమ్మక్‌, హౌస్‌ ఆఫ్‌ రిప్రెజెంటేటివ్స్‌లో ఆక్షేపించారు. టైమర్స్‌ పనిచేయని పక్షంలో, ఎల్లో బాక్స్‌ల కాన్సెప్ట్‌కి అర్థం లేదని ఆమె అన్నారు. టైమర్‌ పని చేయకపోతే, ఆ సమయంలో ఎల్లో బాక్స్‌లోకి వచ్చిన వాహనం, సడెన్‌గా అక్కడ రెడ్‌ లైట్‌ పడితే ఇబ్బందులు ఎదుర్కోవాల్సి వస్తుందని జమీలా అల్‌ సమ్మక్‌ చెప్పారు. ట్రాఫిక్‌ నిబంధనలు, ప్రాణాలను కాపాడటానికి తప్ప ఆదాయాన్ని జనరేట్‌ చేయడం కోసం కాదని అన్నారామె. 50 కిలోమీటర్ల వేగ పరిమితితో కూడిన రోడ్లపై 60 కిలోమీటర్ల వేగంతో దూసుకెళ్ళే వాహనానికి జరీమానా విధించడం వల్ల ప్రాణాల్ని కాపాడగలమా? అని ప్రశ్నించారు జమీలా. మే 1 నుంచి రోడ్లపై ఏర్పాటు చేసిన స్మార్ట్‌ కెమెరాలు, ఎల్లో బాక్స్‌ నిబంధనల ఉల్లంఘనను పట్టివ్వనున్నాయి.