ప్రముఖ మ్యూజిక్‌ డైరెక్టర్‌ ఎస్‌.ఎస్‌థమన్‌ బాలీవుడ్‌ ఎంట్రీ ఇవ్వబోతున్నాడు. దర్శకుడు రోహిత్‌ శెట్టి తెరకెక్కిస్తున్న హిందీ చిత్రం ‘గోల్‌మాల్‌ 4’కు థమన్‌ సంగీతం సమకూరుస్తున్నారు. ఈ విషయాన్ని థమన్‌ ట్విటర్‌ ద్వారా వెల్లడించారు.‘నా తొలి హిందీ చిత్రం ‘మ్యాన్‌ ఆఫ్‌ ది మాసెస్‌’ రోహిత్‌ శెట్టితో’ అంటూ ఆయనతో కలిసి దిగిన ఫొటోను థమన్‌ ట్విటర్‌లో పోస్ట్‌ చేశారు.
2003లో వచ్చిన ‘బాయ్స్‌’ చిత్రంతో పరిశ్రమకు పరిచయమయ్యారు థమన్‌. ఆ తర్వాత యాక్టింగ్‌ వదిలేసి మ్యూజిక్‌పైనే దృష్టి సారించారు. కిక్‌, బిజినెస్‌మ్యాన్‌, దూకుడు, రేసుగుర్రం, సరైనోడు లాంటి సూపర్‌హిట్‌ చిత్రాలకు సంగీత దర్శకుడిగా పనిచేశారు.