అధికారంలోకి వచ్చిన తర్వాత అమెరికా అధ్యక్షుడు డొనాల్డ్‌ ట్రంప్‌ మొదటి విదేశీ పర్యటనలో భాగంగా శనివారం సౌదీ అరేబియా చేరుకున్నారు. రెండు రోజుల పాటు రియాద్‌లో పలు సమావేశాల్లో పాల్గొననున్నారు. అనంతరం ఇజ్రాయిల్‌ వెళతారు. తదనంతరం బ్రస్సెల్స్‌లో నాటో సదస్సుకు, సిసిలీలో జి7 దేశాల సమావేశానికి హాజరవుతారు. అయితే పశ్చిమాసియాలో ట్రంప్‌ పర్యటన అగ్నికి ఆజ్యం పోస్తుందేమోనని విశ్లేషకులు ఆందోళనలు వ్యక్తం చేస్తున్నారు. ఇజ్రాయిల్‌- పాలస్తీనా శాంతి క్రమం, ఇరాన్‌తో సంబంధాలు, సిరియా, ఎమెన్‌ల్లో యుద్ధాలు వంటి అంశాలు ట్రంప్‌ పర్యటనతో ప్రభావితమవుతాయని భావిస్తున్నారు.