కతర్:అష్గల్‌, మే 25న అల్‌ ఖలీజ్‌ అల్‌ గర్భి ఇంటర్‌ ఛేంజ్‌ వద్ద లుసైల్‌ ఎక్స్‌ప్రెస్‌ వే ప్రాజెక్టులో భాగంగా ష్లై ఓవర్‌ని ప్రారంభించనుంది. 400 మీటర్ల పొడవైన ఫ్లై ఓవర్‌, మూడు లేన్లతో ఏర్పాటు చేయబడుతోంది. లుసైల్‌ ఎక్స్‌ప్రెస్‌ వే నుంచి వెస్ట్‌ బే ఏరియా మీదుగా ట్రాఫిక్‌ స్మూత్‌గా సాగడానికి ఈ ఫ్లై ఓవర్‌ ఉపయోగపడుతుంది. ఇంకో వైపున ఒమర్‌ అల్‌ ముక్తార్‌ స్ట్రీట్‌ నుంచి లుసైల్‌ స్ట్రీట్‌ని కలిపే జంక్షన్‌ పూర్తిగా మూసివేయబడుతుంది. ఈ మూసివేత కారణంగా యూనివర్సిటీ స్ట్రీట్‌ నుంచి వెస్ట్‌ బే, పెరల్‌ వైపు వెళ్ళాల్సినవారు ఒమర్‌ అల్‌ ముక్తార్‌ రస్టీట్‌ని వినియోగించాల్సి ఉంటుంది. వాహనదారుల కోసం ట్రాఫిక్‌ సిబ్బంది ఎక్కడికక్కడ సూచికల్ని ఏర్పాటు చేశారు. అలాగే మ్యాప్‌లను కూడా విడుదల చేయడం జరిగింది. వాహనదారులు ట్రాఫిక్‌ రూల్స్‌ పాటించాలని అధికారులు విజ్ఞప్తి చేశారు.