తమిళ్ తో పాటు తెలుగు ప్రేక్షకుల అభిమానం చొరగొన్న సూర్య , ప్రియ, శరత్‌కుమార్‌, సత్యరాజ్‌ లతో పాటు తమిళం లో ఎంతో గుర్తింపు పొందిన కమెడియన్‌ వివేక్‌, వర్ధమాన నటుడు అరుణ్‌ విజయ్‌, దర్శకుడు చరణ్‌లకు నీలగిరి జిల్లాకోర్టు వారెంట్లు జారీ చేసి షాక్ ఇచ్చింది. గతంలో పలు సందర్భాల్లో పాత్రికేయులను ఉద్దేశించి అనుచిత వ్యాఖ్యలు చేసారని వారంతా కోర్టును ఆశ్రయించారు. దీంతో హీరో సూర్యకు పీటీ వారెంట్‌ , మిగిలిన ఆరుగురికి నాన్‌బెయిలబుల్‌ వారెంట్‌ జారీ చేసింది కోర్ట్.
పరువునష్టం కేసులో వీరందరికీ వారెంట్లు జారీ అయ్యాయని తెలుస్తుంది. గతంలో ఎన్నడూ లేని విధంగా, ఏడుగురు ప్రముఖులకు ఒకేసారి వారెంట్లు జారీకావడం తమిళ సినీ పరిశ్రమలో తీవ్ర కలకలం రేపింది. కోర్టు ఆదేశాలపై నటీనటులు స్పందించాల్సి ఉంది. ప్రస్తుతం వీరంతా వారి వారి సినిమాల తో బిజీ గా ఉన్నారు.