దుబాయ్:దుబాయ్లో జనరల్ డైరెక్టరేట్, విదేశీయుల వ్యవహారాల అన్ని కార్యాలయాలు రమదాన్లో ఉదయం 9 నుంచి 6 గంటల వరకు పని చేయనున్నాయి. కేవలం రెండు శాఖలు మాత్రమే రాత్రి వేళలో  రాత్రి 10 నుంచి అర్ధరాత్రి వరకు తెరిచి ఉంటాయి. జిఫిఆర్ఎఫ్-దుబాయ్ ప్రధాన కార్యాలయాలు జఫీలియా, దాని బాహ్య కేంద్రాలు ఉదయం 9 నుంచి 6 గంటల వరకు తెరుచుకుంటాయి. ప్రత్యామ్నాయ షిఫ్ట్లలో ఉద్యోగులు పనిచేస్తారని సంబంధిత శాఖ శుక్రవారం ప్రకటించింది.  జి.డి.ఆర్.ఎఫ్.ఎ-దుబాయ్ డైరెక్టర్ జనరల్ మేజర్ జనరల్ మొహమ్మద్ అహ్మద్ అల్ మెరిరీ మాట్లాడుతూ, ఆల్ జఫిలియాలోని ప్రధాన కార్యాలయాల వద్ద ప్రజల నుండి అన్ని రకాలైన దరఖాస్తులను డైరెక్టరేట్ అందుకుంటుంది. అలాగే ఆదివారం నుంచి గురువారం, అల్ కవి మరియు అల్ మనారాలోని బాహ్య కేంద్రాల్లో ప్రజల నుండి ఉదయం  9 గంటల నుండి సాయంత్రం  6 గంటల వరకు మరియు రాత్రి  10 గంటల నుండి అర్ధరాత్రి వరకు అన్ని అప్లికేషన్లు అందుకుంటారని ఆయన తెలిపారు. ఇంతలో, దుబాయ్ ఇంటర్నేషనల్ ఎయిర్పోర్ట్లో టెర్మినల్ 3 లో విమానాశ్రయ బాహ్య కేంద్రం పని గంటలలో ఎటువంటి మార్పు ఉండదు. ఇది 24 గంటల పాటు వారంలో ఏడు రోజులు తెరిచి ఉంది మరియు అన్ని రకాల దరఖాస్తులను అందుకుంటుంది, ముఖ్యమైన వాటికి  ప్రాధాన్యత ఇవ్వబడుతుంది. అయితే, ఏ విచారణలకు అయినా, టోల్ ఫ్రీ నెంబర్  8005111  ప్రజలు నేరుగా సంప్రదించవచ్చు.