రజనీకాంత్‌ ఇంకా రాజకీయాల్లోకే ప్రవేశించలేదు. అప్పుడే ఆయనకు తలనొప్పులు మొదలయ్యాయి. ఇంటా బయటా ఎక్కడికి వెళ్లినా  అంతా పొలిటికల్‌ ఎంట్రీ గురించే అడుగుతున్నారు. ఈ పరిస్థితి తలైవాకు చిరాకు తెప్పిస్తోంది. ద‌యచేసి నా పని న‌న్ను చేసుకోనివ్వండంటూ మీడియాను కోరాడు. ర‌జినీ సోద‌రుడు స‌త్యనారాయ‌ణ‌రావు గైక్వాడ్ జూలైలో ర‌జ‌నీకాంత్ త‌న‌ పార్టీ ప్రక‌ట‌న చేయ‌నున్నారన్న ప్రకటనతో  తమిళనాట ఆసక్తికర చర్చ మొదలైంది. మరోవైపు, రజనీ రాజకీయాల్లోకి రావద్దంటూ కమల్‌ హాసన్‌ మరోసారి రజినీ పొలిటికల్‌ ఎంట్రీపై వివాదాస్పద వ్యాఖ్యలు చేశారు. తమిళనాడులో ప్రస్తుతం నెలకొన్న రాజకీయ పరిస్థితుల్లో రజినీ మాత్రమే కాదు.. ఏ యాక్టర్‌ కూడా రాజీకాయల్లోకి రావద్దని సూచించారు కమల్‌. ఐతే రజినీ తమిళుడుగా పుట్టనందున సీఎంకు అనర్హుడన్న వాదన సరికాదని..ఎవరైనా రాష్ట్రానికి సేవ  చెయ్యొచ్చని  ఆయన తన అభిప్రాయం వ్యక్తం చేశారు.