కోలీవుడ్ స్టార్ హీరో సూర్య.. ఒకప్పుడు వరుస హిట్స్ తో స్టార్ హీరోగా టాప్ లీగ్ లోకి దూసుకువచ్చాడు. కానీ మధ్యలో చాలా ఎక్స్ పర్మెంట్స్ చేసి ఓ సాధారణ స్టార్ గా మారిపోయాడు. అందుకే ఇక ప్రయోగాలు పక్కనబెట్టి యాక్షన్ సినిమాస్ తో ఎంటర్టైన్ చేయాలని ఫిక్స్ అయిపోయాడు. అందులో భాగంగానే స్క్రిప్ట్ లు సెలెక్ట్ చేసుకుంటున్నాడు. అతను చేసిన కొన్ని ఎక్స్ పర్మెంటల్ మూవీస్ కు అప్లాజ్ వచ్చినా ఆర్థికంగా నష్టపోయాయి. మరి కమర్షియల్ గా సత్తాచాటితేనే కదా స్టార్ లీగ్ లో నిలవగలిగేది. ఆ మధ్య సింగం-3తో ఆకట్టుకున్నా.. అది కాస్తా జల్లికట్టు గొడవలో కొట్టుకుపోయింది. స్టార్ హీరోస్ లీగ్ లో నిలవాలంటే కమర్షియల్ హిట్స్ కంపల్సరీ అని తెలుసుకున్న సూర్య ఇప్పుడు విగ్నేష్ శివన్ తో సినిమా చేస్తున్నాడు. "తానా సెంన్ధ్ర కూట్టమ్" పేరుతో రూపొందుతోన్న ఈ మూవీ సూర్య తన సొంత బ్యానర్ లోనే రూపొందిస్తున్నాడు. ఇక ఈ సినిమాతో తను మళ్లీ ఫామ్ లోకి వస్తాననే కాన్ఫిడెన్స్ తో ఉన్నాడు సూర్య. ఏదేమైనా ఒకప్పుడు తమిళ్ తో పాటు తెలుగులోనూ మంచి మార్కెట్ సంపాదించుకున్న సూర్య సడెన్ గా డౌన్ కావడం ఆశ్చర్యమే.