ప్రియాంక చోప్రా మొట్టమొదటి దాదా సాహెబ్ ఫాల్కే అవార్డు అందుకోబోతోంది. అదేంటి ఇప్పటివరకూ ఈ అవార్డును ఎందరో నటీనటులు అందుకున్నారు కదా! అని అనుకుంటున్నారా? నిజమే. కానీ ప్రియాంక ఈ అవార్డును అంతర్జాతీయ స్థాయిలో గుర్తింపు తెచ్చుకున్న భారతీయ నటి జాబితాలో అందుకోబోంది.
2000 నుంచి ఫాల్కే అకాడమీ.. హిందీ, ప్రాంతీయ చిత్ర పరిశ్రమకు చెందిన మేకప్ ఆర్టిస్ట్ల నుంచి స్పాట్ బాయ్స్ వరకూ మొత్తం 22 విభాగాల్లో అద్భుతమైన ప్రదర్శన కనబరిచినవారికి అవార్డులు ఇస్తోంది. కానీ తొలిసారి అంతర్జాతీయ స్థాయిలో గుర్తింపు తెచ్చుకున్న భారతీయ నటుల విభాగాన్ని ఏర్పాటు చేసినట్లు అకాడమీ ఛైర్మన్ అశోక్ శేఖర్ తెలిపారు. ఈ విభాగంలో తొలి అవార్డు అందుకోబోతున్న నటి కూడా ప్రియాంక కావడం విశేషం.