పండుగల సీజన్‌లో షాపింగ్‌ మాల్స్‌ ఆఫర్స్‌ ప్రకటించడం మామూలే. డిస్కౌంట్లు, ఆఫర్లు, లక్కీడ్రాలు అంటూ ఊదరగొట్టేస్తారు. అలాగే సౌదీ అరేబియాలోని లూలు సూపర్‌ మార్కెట్‌ కూడా ఓ బంపర్‌ ఆఫర్‌ ప్రకటించింది. అయితే రొటీన్‌కు కాస్త భిన్నంగా ఉండడంతో... జనం ఎగబడ్డారు. ఆఫర్‌ను అందుకునేందుకు... ఒకరితో ఒకరు పోటీపడ్డారు.. 
జనాన్ని అంతలా అట్రాక్ట్‌ చేసిన ఆఫర్‌ ఏంటో తెలుసా... అరగంటలో ఏం కొన్నా ఉచితమే. 30 నిముషాల పాటు మాల్‌లోని ఏ వస్తువు తీసుకున్నా బిల్‌ చెల్లించాల్సిన అవసరం లేదని... మాల్‌ యాజమాన్యం ప్రకటించడమే ఆలస్యం జనం చీమల పుట్ట పగిలినట్లు తరలివచ్చారు. పరుగుపరుగున వెళ్లి చేతికి అందిన వస్తువు సొంతం చేసుకున్నారు. ఈ వీడియోలు నెట్‌లో ఇప్పుడు హల్‌చల్‌ చేస్తున్నాయి. ఉచితం అనే సరికి కొందరు తాము మోయలేని వస్తువులు సైతం ఎత్తేందుకు ప్రయత్నించడం నవ్వు తెప్పిస్తోంది