ఒక్కసారి స్మోకింగ్‌ అలవాటైతే, అది మానడం చాలా కష్టం. ఎలాగైనా మానేయాలనుకునేవారూ, కొన్ని బలహీనతల కారణంగా మానలేకపోతుంటారు. అలాంటివారికోసమే క్లినిక్స్‌ని ఏర్పాటు చేసింది ఖతార్‌ మినిస్ట్రీ. లీబైబ్‌, అల్‌ దాయీన్‌, అల్‌ ఘరాఫా, ఒమర్‌ బిన్‌ ఖత్తాబ్‌, అబు బక్ర్‌ అల్‌ సిదిక్‌, మెసైమీర్‌ (అబు హామర్‌), రాదత్‌ అల్‌ ఖైల్‌ హెల్త్‌ ఫెసిలిటీస్‌ వద్ద వీటిని ఏర్పాటు చేశారు. హెల్త్‌ ప్రమోషన్‌ అండ్‌ రికవరీ - పిహెచ్‌సిసి డైరెక్టర్‌ డాక్టర్‌ వధా అల్‌ బకర్‌ మాట్లాడుతూ, స్మోకర్స్‌ పైన పేర్కొన్న క్లినిక్స్‌ని సంప్రదించి, తమకున్న దురలవాటుని దూరం చేసుకోవచ్చన్నారు. మే 31న 'వరల్డ్‌ నో టుబాకో డే' సందర్భంగా ప్రత్యేక కార్యక్రమాలు కూడా చేపట్టామన్నారు. స్మోకింగ్‌ కారణంగా శరీరంలోని ప్రతి అవయవం ఎఫెక్ట్‌ అవుతుందనీ, అది మానేయడం వల్ల చాలావరకు అనారోగ్య సమస్యలు తగ్గుతాయని వైద్యులు చెబుతున్నారు.