సూపర్ స్టార్ మహేష్ బాబు త్వరలో అసెంబ్లీలో అడుగుపెట్టబోతున్నాడు. అవును.. తన నెక్ట్స్ సినిమా కోసం హైదరాబాద్ శివార్లలో వేసిన భారీ అసెంబ్లీ సెట్లో అడుగుపెట్టబోతున్నాడు మహేష్. ప్రస్తుతం మురుగదాస్ దర్శకత్వంలో తెరకెక్కుతున్న స్పైడర్ సినిమా షూటింగ్లో బిజీగా ఉన్న మహేష్, ఆ తరువాత వెంటనే కొరటాల శివ దర్శకత్వంలో మరో సినిమా షూటింగ్లో పాల్గొననున్నాడు. ఇప్పటికే ఈ సినిమా షూటింగ్ మహేష్ లేకుండానే ఒక షెడ్యూల్ పూర్తి చేసుకుంది.
త్వరలో ప్రారంభం కానున్న సెకండ్ షెడ్యూల్లో మహేష్ కూడా పాల్గొననున్నాడట. పొలికల్ థ్రిల్లర్గా తెరకెక్కుతున్న ఈ సినిమాలో మహేష్ బాబు యువ రాజకీయనాయుడిగా కనిపించనున్నాడన్న ప్రచారం జరుగుతోంది. అంతేకాదు ఈ సినిమాలో మహేష్ ముఖ్యమంత్రిగా కూడా అలరించనున్నాడట. ఈ సినిమాకు భరత్ అను నేను అనే టైటిల్ను పరిశీలిస్తున్నారన్న ప్రచారం జరుగుతోంది. ఈ వార్తల్లో ఏదీ నిజం ఏదీ రూమర్ అన్న విషయం తెలియాలంటే మాత్రం మరి కొద్ది రోజులు వెయిట్ చేయాల్సిందే.