లేడీ అమితాబ్ విజయశాంతి అన్నాడీఎంకేలో చేరబోతున్నట్లు వార్తలు వినిపిస్తున్నాయి.  ఈ వార్తలు నిజం చేయబోతున్నట్లు ప్రస్తుత పరిణామాలను బట్టి అర్ధమవుతోంది.  దీనికి బలం చేకూర్చేవిధంగా విజయశాంతి జైలులో వున్న శశికళతో సమావేశమై చర్చలు జరిపినట్లు వార్తలు వినిపిస్తున్నాయి.  ఆపై చెన్నైలోని అన్నాడీఎంకే డిప్యూటీ నేత టీటీవీ దినకరన్‌తో కూడా సమావేశమయ్యారు.  అదే సమయంలో తనను కలవడానికి వచ్చిన ఎమ్మెల్యేలను సైతం పక్కన పెట్టి విజయశాంతితో మంతనాలు జరిపారు దినకరన్.  పార్టీ వ్యవహారాలను దినకరన్ చక్కదిద్దగలరనే నమ్మకముందని విజయశాంతి ఎమ్మెల్యతో వ్యాఖ్యానించినట్లు తెలిసింది.  ఇదిలా ఉండగా దినకరన్‌కు మద్దతిచ్చే ఎమ్మెల్యేల సంఖ్య రోజు రోజుకు పెరుగుతోంది.  ఇప్పటికే ఈ సంఖ్య 22 నుంచి 32కు పెరిగింది.  ఈ సంఖ్య 50 కి చేరుకోనుందని, ఒకటీ రెండు రోజుల్లోనే తమ బలం నిరూపించుకునే అవకాశం వస్తుందని దినకరన్ ఆశాభావం వ్యక్తం చేస్తున్నారు.