మూడేళ్లుగా ప్రేమలోవున్న నాగచైతన్య- సమంత పెళ్లి ముహూర్తం ఖరారైంది. అక్టోబరులో తమ పెళ్లి జరుగుతుందని చైతూ చెప్పినప్పటికీ ఏ తారీఖున అనేది క్లారిటీ ఇవ్వలేదు. తాజాగా 'జియో ఫిల్మ్‌ఫేర్‌ అవార్డ్స్‌'కి హాజరైన చైతూ అక్టోబరు 6న తమ వివాహం జరగనున్నట్లు తెలిపాడు.
గోవాలో హిందూ, క్రైస్తవ సంప్రదాయం ప్రకారం పెళ్లి జరగనుంది. ఏమాయ చేసావె మూవీతో వీళ్లిద్దరు క్లోజ్‌ఫ్రెండ్స్ అయ్యారు. ఆ తర్వాత లవ్‌లో పడ్డారు. ఈ జనవరిలో సామ్-చైతూ నిశ్చితార్థం కుటుంబ సభ్యుల సమక్షంలో ఘనంగా జరిగింది. ప్రస్తుతం వీళ్లు ఓ వైపు పెళ్లిపనుల్లో బిజీగా వుంటూనే, ఆలోపు పెండింగ్‌లోవున్న ప్రాజెక్టులకు ఫినిష్ చేసే పనిలోపడ్డారు.