గల్ఫ్‌ రీజియన్‌లో ఉద్రిక్తతలకు కారణమయ్యే పరిస్థితులపై కఠినంగా వ్యవహరించాలని యూఏఈ, ఖతార్‌కి సూచించింది. మినిస్టర్‌ ఆఫ్‌ స్టేట్‌ ఫర్‌ ఫారిన్‌ ఎఫైర్స్‌ డాక్టర్‌ అన్వర్‌ గర్గాష్‌ మాట్లాడుతూ ఖతార్‌ తన ఆలోచనల్ని మార్చుకోవాలనీ, గల్ఫ్‌ ఐక్యతకు, గల్ఫ్‌ దేశాల మధ్య సఖ్యతకు ఖతార్‌ కట్టుబడి ఉండాలని చెప్పారు. అల్‌ ఖైదా, ముస్లిం బ్రదర్‌హుడ్‌ అలాగే హమాస్‌ లీడర్స్‌కి ఆర్థికంగా అండదండలు అందించేవారి పట్ల ఖతార్‌ కఠినంగా వ్యవహరించాల్సిందేనని స్పష్టం చేశారు డాక్టర్‌ అన్వర్‌. దోహా అలాగే జిసిసి దేశాల మధ్య విభేదాలకు ఖతార్‌ బాధ్యత వహించాలని బహ్రెయిన్‌ ఫారిన్‌ మినిస్టర్‌ షేక్‌ ఖాలిద్‌ బిన్‌ అహ్మద్‌ అల్‌ ఖలీఫా చెప్పారు. జిసిసి, అలాగే కొన్ని అరబ్‌ దేశాలు ఖతార్‌తో సంబంధాలు తెంచుకున్న సంగతి తెలిసినదే.