చెక్ బౌన్స్ కేసులో బుల్లితెర నటుడు ప్రదీప్‌ను పోలీసులు అరెస్టు చేశారు. ఆ తర్వాత రిమాండ్‌కు పంపడం, బెయిల్‌పై విడుదల చేయడం అంతా ఒక్క రోజులోనే జరిగిపోయాయి. అదీ సినీ ఫక్కీ తరహాలో జరిగింది.
ఓ వ్యక్తి వద్ద తీసుకున్న మొత్తాన్ని తిరిగి చెల్లించే నిమిత్తం ఇచ్చిన చెక్ బౌన్స్ కావడంతో ప్రదీప్‌ను హైదరాబాద్ పంజాగుట్ట పోలీసులు ఎర్రమంజిల్ న్యాయస్థానంలో హాజరుపరిచారు. ఆ తర్వాత అతనికి న్యాయస్థానం రిమాండ్ విధించింది.
దీంతో కోర్టు ఆదేశాల మేరకు అతనిని చంచల్ గూడ జైలుకి తరలించారు. అనంతరం కోర్టు బెయిల్ మంజూరు చేయడంతో గంటల వ్యవధిలో విడుదలయ్యాడు.