'లక్ష్మీకల్యాణం' సినిమాతో తెలుగు తెరకు పరిచయమైన కాజల్‌ ఆ తర్వాత టాప్‌ హీరోయిన్‌గా ఎదిగింది. తనను టాలీవుడ్‌కు పరిచయం చేసిన డైరెక్టర్‌ తేజ డైరెక్షన్‌లో చాలా రోజుల తర్వాత నటిస్తోంది. రానా హీరోగా తేజ రూపొందిస్తున్న 'నేనే రాజు నేనే మంత్రి' సినిమాలో హీరోయిన్‌గా చేస్తోంది కాజల్‌. ఇటీవల విడుదలైన ఈ చిత్ర టీజర్‌కు విపరీతమైన రెస్పాన్స్‌ వచ్చింది. తాజాగా ఈ సినిమాలో హీరోయిన్‌ కాజల్‌ ఫస్ట్‌లుక్‌ను ట్విట్టర్‌ ద్వారా విడుదల చేసింది చిత్రబృందం. 'నేనే రాధ నేనే భార్య' అంటూ టైటిల్‌ కూడా పెట్టారు. రాధా జోగేంద్ర అనే మంత్రి పాత్రలో నటిస్తున్న రానాకు భార్యగా కాజల్‌ కనిపించనుంది. కాగా, ఈ సినిమాలో మిగిలిన పాత్రల పోస్టర్లను కూడా ఈరోజు (శనివారం) విడుదల చేయనున్నారు.