స్టైలిష్ స్టార్ అల్లు అర్జున్ హీరోగా, ఎనర్జిటిక్ డైరక్టర్ హరీష్‌ శంకర్ డైరెక్షన్లో స్టార్ ప్రొడ్యూసర్ దిల్‌రాజు నిర్మిస్తున్న సినిమా డీజే (దువ్వాడ జగన్నాథమ్‌). శ్రీ వెంకటేశ్వర క్రియేషన్స్ బ్యానర్లో రూపొందుతోన్న 25వ సినిమా ఇది. రేసుగుర్రం, సన్నాఫ్ సత్యమూర్తి, సరైనోడు వంటి వరుస బ్లాక్ బస్టర్ చిత్రాల తర్వాత బన్నీ చేస్తున్న సినిమా కావడంతో ఈ సినిమాపై భారీ అంచనాలు నెలకొన్నాయి. ఈ అంచనాలకు ధీటుగా థియేట్రికల్ ట్రైలర్ విడుదలైన రెండు రోజుల్లోనే 10 మిలియన్స్ వ్యూస్‌తో ప్రేక్షకుల నుండి ట్రెమెండస్ రెస్పాన్స్‌ను రాబట్టుకుంటుందీసినిమా.
ఆర్య, ఆర్య2, సన్నాఫ్ సత్యమూర్తి ఇలా బన్నీ.. రాక్‌స్టార్ దేవిశ్రీప్రసాద్ కాంబినేషన్‌లో ఎన్నో మ్యూజికల్ హిట్స్ ఉన్నాయి. గబ్బర్‌సింగ్ తర్వాత హరీష్ శంకర్‌, దేవిశ్రీ ప్రసాద్ కలయికలో రూపొందిన చిత్రం కూడా ఇదే. ఇలాంటి హిట్ కాంబినేషన్ కలయికలో డీజే దువ్వాడ జగన్నాథమ్ ఆడియో ప్రేక్షకుల ముందుకు రానుంది. అల్రెడి సోషల్ మీడియాలో విడుదలైన రెండు పాటలకు హ్యుజ్ రెస్పాన్స్ వచ్చింది. ఈ సినిమా పాటల విడుదల వేడుకను జూన్ 11న గ్రాండ్ లెవల్లో నిర్వహిస్తున్నారు.
జూన్ 23న ఈ చిత్రాన్ని విడుదల చేస్తున్నారు.