ఎవడే సుబ్రమణ్యం, భలే భలే మగాడివోయ్‌, కృష్ణగాడి వీర ప్రేమగాథ, జెంటిల్‌మేన్‌, మజ్ను, నేను లోకల్‌ వంటి వరస హిట్స్‌తో ప్రేక్షకుల అపూర్వ ఆదరాభిమానాలను అందుకుంటున్న నాని తాజాగా 'నిన్నుకోరి' చిత్రంలో నటిస్తున్న విషయం తెలిసిందే. డి.వి.వి. ఎంటర్‌టైన్‌మెంట్స్‌ ఎల్‌ఎల్‌పి పతాకంపై శివ నిర్వాణను దర్శకుడిగా పరిచయం కాబోతున్న ఈ మూవీ షూటింగ్ ఇటీవలే పూర్తి చేసుకుతుంది.
ఇటీవల రిలీజ్ అయినా ఫస్ట్ లుక్ తో ఈ మూవీ ఫై మరింతగా అంచనాలు పెరిగాయి..ఈ నేపథ్యం లో వారి అంచనాలను మరింత పెంచడానికి చిత్ర యూనిట్ జూన్ 17 న ఉదయం 10 గంటలకు చిత్ర థియేట్రికల్ ట్రైలర్ ను రిలీజ్ చేస్తున్నట్లు ప్రకటించారు. జెంటిల్ మెన్ ఫేమ్ నివేద థామస్ ఈ చిత్రంలో హీరోయిన్ గా నటిస్తోంది. ఆది పినిశెట్టి ఈ చిత్రంలో ఓ కీలక పాత్రని పోషిస్తున్నాడు. జులై 7 న 'నిన్ను కోరి' విడుదలకు సిద్ధమవుతోంది.