రియాద్‌: మినిస్ట్రీ ఆఫ్‌ లేబర్‌ అండ్‌ సోషల్‌ ఎఫైర్స్‌ ఇకపై అక్రమ రిక్రూట్‌మెంట్లను మరింత కఠినంగా పరిగణించబోతోంది. ఓ స్పాన్సర్‌కి చెందిన వర్కర్స్‌ని మరో స్పాన్సర్‌ కోసం పంపితే ఆ కాంట్రాక్ట్‌ని రద్దు చేయడంతోపాటుగా, మొదటి స్పాన్సర్‌నీ, రెండో స్పాన్సర్‌నీ ఏడాదిపాటు రిక్రూట్‌మెంట్‌కి వీల్లేకుండా బ్యాన్‌ చేయనున్నారు. ఈ నేరానికిగాను 25,000 సౌదీ రియాల్స్‌ జరీమానా కూడా విధించే అవకాశం ఉంది. రెండోసారి ఇదే నేరం చేస్తే జరీమానా 50,000 సౌదీ రియాల్స్‌కి చేరుకుంటుంది. బ్యాన్‌ని రెండేళ్ళకు పెంచుతారు. ఎంప్లాయర్‌ అలాగే మేనేజర్‌ ఆరు నెలలపాటు జైలు శిక్ష అనుభవించాల్సి రావొచ్చు. మూడోసారి ఇదే క్రైమ్‌ రిపీట్‌ అయితే 100,000 సౌదీ రియాల్స్‌ జరీమానా, ఐదేళ్ళ రిక్రూట్‌మెంట్‌ బ్యాన్‌, ఏడాదిపాటు జైలు శిక్ష తప్పదు. మినిస్ట్రీ ఎప్పటికప్పుడు ఆయా సంస్థలపై తనిఖీలు నిర్వహిస్తుందనీ, అలాగే తమకు అందే ఫిర్యాదుల నేపథ్యంలోనూ చర్యలు తీసుకుంటుందని అధికారులు చెప్పారు.