వివి వినాయక్ కొత్త సినిమా ఫిక్సయ్యింది. హీరో సాయిధరమ్ తేజతో ఓ సినిమా చేయాలని డిసైడయ్యాడు. సి కళ్యాణ్ ఈ చిత్రానికి నిర్మాత. వినాయక్‌ మెగా కాంపౌడ్ దర్శకుడు. మెగా హీరోలతో ఆయనది సూపర్ కాంబినేషన్. . చిరంజీవి, చరణ్‌, అల్లు అర్జున్‌లతో సూపర్ హిట్ చిత్రాలు అందించిన దర్శకుడు. మెగా 150తో మరో సూపర్ హిట్ ఇచ్చి మెగా అభిమానులకు మరింత చేరువైన దర్శకుడు. ఇప్పుడు సాయి ధరం తేజ్ తో సినిమా చేయాలని నిర్ణయించుకున్నాడు. సాయిధరమ్‌ తేజ్‌ ప్రస్తుతం జవాన్‌ సినిమాతో బిజీగా వున్నాడు. బి.వి.ఎస్‌.రవి దర్శకుడు. దేశానికి జవాన్‌ ఎంత అవసరమో.. మన ఇంటికి సమస్యలొస్తే వాటిని ఎదుర్కోవడానికి కూడా అలాంటి ఒకరు అవసరమని చెప్పే కథతో ఈ సినిమా తెరకెక్కిస్తున్నారు.