అమెరికాలో తెలంగాణ ఆవిర్భావ దినోత్సవ వేడుకలను ప్రవాస తెలంగాణ వారు ఘనంగా నిర్వహించారు. కెంటకీ లోని లూస్విల్లెలో... తెలంగాణ డెవలప్ మెంట్ ఫోరమ్ అధ్వర్యం నిర్వహించిన ఈ వేడుకలకు ఎన్నారైలు పెద్ద సంఖ్యలో హాజరయ్యారు. ఈ సందర్భంగా తెలంగాణ సంస్రుతి, సాంప్రదాయాలను చాటేవిధంగా నిర్వహించిన ఆట,పాటలు అందరిని ఆకట్టుకున్నాయి. జానపద పాటలు,నాటికలు కనువిందుచేశాయి. ఈ వేడుకల్లో చిన్నారులు, మహిళలు ఉత్సాహంగా పాల్గొన్నారు. తెలంగాణ ఆవిర్భావ వేడుకల్లో టిడిఎఫ్ ప్రెసిడెంట్ లక్ష్మన్ ఎనుగు, ఆటా ప్రెసిడెంట్ కరుణాకర్ రెడ్డి లతోపాటు పలువురు ప్రముఖులు పాల్గొన్నారు.