మనామా: మెర్సర్స్‌ 2017 కాస్ట్‌ ఆఫ్‌ లివింగ్‌ సర్వేలో మనామా నగరానికి 55వ ర్యాంక్‌ దక్కింది. గత ఏడాదితో పోల్చితే ఈసారి మనామా 16 స్థానాలు పైకి ఎగబాకింది. మిడిల్‌ ఈస్ట్‌లో మనామా మోస్ట్‌ ఎక్స్‌పెన్సివ్‌ నగరంగా పేరుగాంచింది. దుబాయ్‌ 20 వస్థానాన్ని దక్కించుకుంది మోస్ట్‌ ఎక్స్‌పెన్సివ్‌ కేటగిరీకి సంబంధించి రీజియన్‌లో. అబుదాబీ 23వ స్థానాన్నీ, రియాద్‌ 52వ స్థానాన్ని దక్కించుకున్నాయి. ఈ మూడు నగరాలూ ఈ ఏడాది మెరుగైన ప్రదర్శన చేశాయి. జెడ్డా 117వ స్థానంలో, మస్కట్‌ 92వ స్థానంలో, దోహా 81వ స్థానంలో నిలిచి లీస్ట్‌ ఎక్స్‌పెన్సివ్‌ సిటీస్‌ అన్పించుకున్నాయి. మొత్తంగా లిస్ట్‌లో కైరో 183 స్థానం దక్కించుకుంది. అంగోలా రాజధాని లాండా మొట్టమొదటి స్థానం దక్కించుకోగా, హాంగ్‌కాంగ్‌ రెండో స్థానం, టోక్యో మూడో స్థానం, జ్యురిచ్‌ నాలుగవ స్థానం, సింగపూర్‌ ఐదవ స్థానం దక్కించుకున్నాయి.