నవీన్ చంద్ర, నివేదా థామస్ జంటగా నటిస్తున్న చిత్రం 'జూలియట్ లవర్ ఆఫ్ ఇడియట్'. అజయ్ వోధిరాల దర్శకుడు. అనురాగ్ ప్రొడక్షన్స్ పతాకంపై కొత్తపల్లి ఆర్. రఘుబాబు, కె.బి. చౌదరి సంయుక్తంగా నిర్మిస్తున్నారు. ప్రేమకథాగా తెరకెక్కిస్తున్న ఈ చిత్రం ఫస్ట్లుక్ మోషన్ పోస్టర్ను దర్శకుడు సుకుమార్ విడుదల చేశారు.

ఈ సందర్భంగా చిత్ర నిర్మాతలు మాట్లాడుతూ.. 'అజయ్ వోధిరాల చెప్పిన కథ నచ్చి నిర్మాణ రంగంలోకి అడుగుపెట్టాం. చిత్రీకరణ చివరి దశలో ఉంది. పోస్ట ప్రొడక్షన్ కార్యక్రమాలు కూడా సమాంతరంగా జరుగుతున్నాయి. మా చిత్ర దర్శకుడు 'ఆర్య' మొదలుకొని '100% లవ్'వరకు సుకుమార్ దర్శకత్వంలో తెరకెక్కిన చిత్రాలకు అసిస్టెంట్ డైరెక్టర్గా పని చేయడం విశేషం. ఆ స్నేహబంధంతో సుకుమార్ సినిమా ఫస్ట్లుక్ను విడుదల చేశారు. త్వరలోనే ట్రైలర్, ఆడియోను విడుదల చేసేందుకు సన్నాహాలు చేస్తున్నాం' అన్నారు.