హైదరాబాద్: నితిన్ హీరోగా తెరకెక్కుతోన్న చిత్రం 'లై'. హను రాఘవపూడి దర్శకుడు. మేఘా ఆకాశ్ కథానాయిక. 14 రీల్స్ ఎంటర్టైన్మెంట్ పతాకంపై నిర్మిస్తున్నారు. సీనియర్ నటుడు అర్జున్ ఇందులో కీలక పాత్ర పోషిస్తున్నారు. మణిశర్మ స్వరాలు సమకూరుస్తున్నారు. ఈ చిత్రం విదేశీ హక్కులను అమెరికాలోని దక్షిణ భారత చిత్రాల పంపిణీ సంస్థ సినీపారడైసో సొంతం చేసుకున్నట్లు చిత్ర బృందం ప్రకటించింది.
ప్రేమ, యాక్షన్ ప్రధానాంశాలుగా 'లై'ను తెరకెక్కిస్తున్నారు. ఇటీవల ఈ చిత్రంలోని ఓ పాటను అమెరికాలో విడుదల చేశారు. ప్రపంచ వ్యాప్తంగా ఆగస్టు 11న చిత్రాన్ని విడుదల చేయడానికి సన్నాహాలు చేస్తున్నారు.