విమానంలో తోటిప్రయాణికురాలు నిద్రిస్తుండగా ఆమెతో అసభ్యంగా ప్రవర్తించాడో ప్రయాణికుడు. నిద్రిస్తున్న మహిళను అభ్యంతరకరంగా తాకుతూ ఆమెను వేధింపులకు గురిచేశాడు. విషయాన్ని బాధితురాలు ఎయిర్లైన్ సిబ్బంది దృష్టికి తీసుకురావడంతో.. వారు అతడిని పోలీసులకు అప్పగించారు. జూన్ 27న జరిగిన ఈ ఘటన ఆలస్యంగా వెలుగులోకి వచ్చింది.

జూన్ 27న తెల్లవారుజామున ఓ విమానం బెంగళూరు నుంచి ముంబయి బయల్దేరింది. అందులో ప్రయాణిస్తున్న సబీన్ హంజా అనే వ్యక్తి.. తన పక్కనే కూర్చున్న మహిళను వేధించాడు. మహిళ నిద్రిస్తుండగా ఆమె పట్ల అసభ్యంగా ప్రవర్తించాడు. బాధితురాలు వెంటనే మేల్కొని సబీన్ ఆగడాలను గుర్తించి ఎయిర్లైన్ సిబ్బందికి ఫిర్యాదు చేసింది. తొలుత సబీన్ను హెచ్చరించిన సిబ్బంది.

విమానం ముంబయిలో దిగగానే అతడిని ఎయిర్పోర్టు భద్రతాసిబ్బందికి అప్పగించారు. అనంతరం సబీన్ను పోలీస్స్టేషన్కు తీసుకెళ్లారు. బాధితురాలి ఫిర్యాదు మేరకు కేసు నమోదు చేసుకున్న పోలీసులు.. అతన్ని అరెస్టు చేశారు.