మ్యూజిక్ రంగంలో గత 20 ఏళ్లుగా విశేష సేవలందించిన ఆదిత్య మ్యూజిక్ సంస్థ చిత్ర నిర్మాణ రంగంలోకి ప్రవేశించింది. తొలి ప్రయత్నంగా తమిళ చిత్రం ధీరణ్ అదిగరమ్ ఓండ్రు అనే సినిమాను తెలుగులోకి డబ్ చేస్తున్నది. ఈ చిత్రం తెలుగులో ఖాకీ పేరుతో విడుదలకు ముస్తాబవుతున్నది. ఈ చిత్రానికి ది పవర్ ఆఫ్ పోలీస్ అనేది ట్యాగ్‌లైన్. శతురంగ వెట్టై చిత్ర దర్శకుడు హెచ్ వినోద్ దర్శకత్వం వహిస్తున్నఈ చిత్రంలో కార్తీ, రకుల్ ప్రీత్ సింగ్ తదితరులు నటిస్తున్నారు. ఈ చిత్రానికి సంబంధించిన ఫస్ట్‌లుక్‌ను శుక్రవారం విడుదల చేశారు. ఈ ఫస్ట్‌లుక్‌కు సోషల్ మీడియాలో అనూహ్య స్పందన కనిపిస్తున్నది.

పవర్ ఫుల్ పోలీస్ స్టోరీతో తెరకెక్కిన ఖాకీ చిత్రంపై ఆదిత్య మ్యూజిక్ కంపెనీ ఎండీ ఉమేశ్ గుప్తా ధీమాను వ్యక్తం చేస్తున్నాడు. ఈ చిత్రాన్ని ఆగస్టు చివరి వారంలో గానీ, సెప్టెంబర్ తొలివారంలో గానీ రిలీజ్ చేయడానికి ఏర్పాట్లు చేస్తున్నామని ఆయన వెల్లడించారు. తెలుగులో విజయం సాధించిన విక్రమార్కుడు చిత్రాన్ని తమిళంలో రీమేక్ చేయగా అందులో కార్తీ నటించాడు. ఆ చిత్రం సంచలన విజయాన్ని సొంతం చేసుకొన్నది. అదే మాదిరిగా ఈ చిత్రం కూడా ఘన విజయం సాధిస్తుందనే విశ్వాసాన్ని ఆయన వ్యక్తం చేశారు.