కల్యాణ్రామ్ కథానాయకుడిగా నటిస్తున్న చిత్రం 'యంఎల్ఏ: మంచి లక్షణాలున్న అబ్బాయి'. కాజల్ కథానాయిక. ఉపేంద్ర మద్వానీ దర్శకుడు (నూతన పరిచయం). ఈ చిత్రం షూటింగ్లో ఆదివారం నుంచి కాజల్ పాల్గొంటున్నారు. తొలిరోజు చిత్రీకరణలో కల్యాణ్రామ్, బ్రహ్మానందంతో కలిసి సరదాగా దిగిన ఫొటోలను కాజల్ ట్విటర్లో పోస్ట్ చేశారు. తన తొలి సహనటుడుతో కలిసి మళ్లీ పనిచేస్తున్నానని, పాత రోజులు గుర్తొస్తున్నాయని ట్వీట్ చేశారు.

బ్ల్యూ ప్లానెట్ ఎంటర్టైన్మెంట్స్, పీపుల్ మీడియా ఫ్యాక్టరీ సంస్థలు సంయుక్తంగా 'యంఎల్ఏ'ను నిర్మిస్తున్నాయి. మణిశర్మ స్వరాలు సమకూరుస్తున్నారు. మే 10న ఈ చిత్రం షూటింగ్ ప్రారంభించారు. 'ఇజం' చిత్రంతో కల్యాణ్రామ్ 2016లో ప్రేక్షకుల ముందుకు వచ్చారు. ప్రస్తుతం ఆయన ఎన్టీఆర్ హీరోగా నటిస్తున్న 'జై లవకుశ'కు నిర్మాతగా వ్యవహరిస్తున్నారు.

తెలుగులో 'నేనే రాజు నేనే మంత్రి' తర్వాత కాజల్ 'యంఎల్ఏ'లో నటిస్తున్నారు. ఇవి కాకుండా ఆమె పలు తమిళ చిత్రాల్లోనూ కథానాయిక పాత్ర పోషిస్తున్నారు.