హాట్ బ్యూటీ శ్రద్ధా దాస్ తెలుగు సినిమాలో కనిపించి చాలాకాలమే అయింది. తెలుగులో ఇప్పటివరకూ ఎన్ని సినిమాలు చేసినా.. సెకండ్ లీడ్ రోల్స్‌తోనే సరిపెట్టుకుంది శ్రద్ధా. 'రేయ్', 'మొగుడు'లాంటి సినిమాల్లో ఎంతగా గ్లామర్ షో చేసినా.. కలిసిరాలేది ఈ హాట్ బ్యూటీకి. ఇప్పుడు ఈ బ్యూటీ రాజశేఖర్ హీరోగా ప్రవీణ్ సత్తారు డైరెక్షన్‌లో తెరకెక్కుతోన్న 'గరుడవేగ'లో రియల్ లైఫ్ క్యారెక్టర్‌లో కనిపించబోతోందట.
గ్లామర్ ఫీల్డ్‌లోకి రాకముందు జర్నలిజం స్టూడెంట్ అయిన శ్రద్దా ఈ మూవీలో రిపోర్టర్ పాత్ర చేస్తోందట. గ్లామర్ షో చేయని డిఫరెంట్ శ్రద్ధా ఈ మూవీలో కనిపిస్తుందని అంటున్నాడు డైరెక్టర్ ప్రవీణ్. ఇంతకుముందు ప్రవీణ్ డైరెక్ట్ చేసిన 'గుంటూర్ టాకీస్'లో రివాల్వర్ రాణిగా శ్రద్ధా దాస్ చేసిన రచ్చ సినీ లవర్స్ మర్చిపోలేరు. మరి ఇప్పుడు రిపోర్టర్ రోల్లో శ్రద్ధాకి ఎన్ని మార్కులు పడతాయో వేచిచూడాలి.