మస్కట్‌: అల్‌ కువైర్‌లోని షన్‌ఫారి సర్వీస్‌ సెంటర్‌లో చెలరేగిన అగ్ని ప్రమాదం ఒక లాంబోర్గాని కారుని పూర్తిగా నాశనం చేసింది. మరో కారు ఈ అగ్ని ప్రమాదంలో స్వల్పంగా దెబ్బతింది. సర్వీస్‌ సెంటర్‌ చాలావరకు డ్యామేజ్‌ అయ్యింది. అయితే అ ఘటనలో ఎవరికీ గాయాలు కాలేదు. పిఎసిడిఎ టీమ్‌ ప్రమాదానికి సంబంధించిన సమాచారం అందుకోగానే సంఘటనా స్థలానికి చేరుకుని, మంటల్ని ఆర్పివేసింది. షాన్ఫారీ గ్రూప్‌ ఆఫ్‌ కంపెనీస్‌ పబ్లిక్‌ రిలేషన్స్‌ మరియు అడ్మినిస్ట్రేషన్‌ డైరెక్టర్‌ నాజర్‌ హమాద్‌ అల్‌ వాహిబి మాట్లాడుతూ, ఉదయం 9.17 నిమిషాల సమయంలో అగ్ని ప్రమాదాన్ని ఓ ఉద్యోగి కనుగొన్నారని, తక్షణం పిఎసిడిఎకి ఫిర్యాదు చేశామని తెలిపారు. ప్రమాదం జరిగిన సమయంలో 4 లాంబోర్గానీ కార్లు ఉన్నాయి. ఒక కారు పూర్తిగా ధ్వంసం కాగా, మరొకదానికి చిన్నపాటి డ్యామేజీ మాత్రమే జరిగింది. రాయల్‌ ఒమన్‌ పోలీసులు కేసు విచారణ చేపట్టారు.