ఉంగరాల రాంబాబుగా ప్రేక్షకుల్ని అలరించడానికి రెడీ అవుతున్నాడు సునీల్. హీరోయిన్ గా మియా జార్జ్ నటిస్తోంది. ఓనమాలు, మళ్లీ మళ్లీ ఇది రాని రోజు సినిమాలకు దర్శకుడిగా చేసిన క్రాంతి మాధవ్ డైరెక్షన్ లో ఈ సినిమా తెరకెక్కుతోంది. యునైటెడ్ కిరిటీ మూవీస్ లిమిటెడ్ బ్యానర్ పై పరుచూరి కిరీటీ దీనిని నిర్మిస్తున్నారు. క్రాంతిమాధవ్ మేకింగ్, సునీల్ టైమింగ్ తో సినిమా ఉంటుందంటున్నారు. సర్వేశ్ మురారి సినిమాటోగ్రఫీ ఈ చిత్రంలో ఎలాంటి జిమ్మిక్కులు చేయనుందో చూడాలి. ఈనెల చివరివారంలో ఈ సినిమా రిలీజ్ చేస్తామంటున్నారు. సునీల్ తరహా కామెడీతో కమర్షియల్ ఫ్యామిలీ ఎంటర్ టైనర్ గా నిలుస్తుందా, లేక హీరోయిజం చూపిస్తాడా అని ఫ్యాన్స్ ఎదురుచూస్తున్నారు. ప్రకాష్ రాజ్, పోసాని, వెన్నెల కిషోర్, ఆలీ, ఆశిష్ విద్యార్థి, రాజా రవీంద్రలు ఈ సినిమాలో నటిస్తుండడంతో హైప్ బాగానే ఉంది.