అమెరికా ప్రెసిడెంట్‌ డొనాల్డ్‌ ట్రంప్‌కు మరోసారి పరాభవం ఎదురయ్యింది. ట్రంప్‌ చేయి చాచినా.. పొలాండ్ ఫస్ట్ లేడీ అగతా.. షేక్‌ హ్యాండ్ ఇవ్వకపోవడం సంచలనంగా మారింది. గురువారం పోలాండ్‌కు వెళ్లిన ట్రంప్‌ దంపతులు... ఆ దేశ ప్రెసిడెంట్‌ దంపతులు మీడియా ముందుకు వచ్చినప్పుడు ఈ సంఘటన జరిగింది. ట్రంప్‌.. పోలాండ్ ప్రెసిడెంట్‌కు ముందుగా షేక్ హ్యాండ్ ఇచ్చారు. ఆ తర్వాత.. అతని భార్యకు ఇవ్వడానికి చేయి చాచారు.. కానీ.. ఆమె మాత్రం.. ట్రంప్ పక్కనే ఉన్న మెలానియా ట్రంప్‌కు షేక్ హ్యాండ్ ఇచ్చారు.. ఈ సమయంలో ట్రంప్ చూసిన చూపులు.. ఆయన ఎంతగా ఇబ్బంది పడ్డారో చెప్పేశాయి..  ఆ తర్వాత ట్రంప్‌కు షేక్ హ్యాండ్‌ ఇచ్చినా.. అప్పటికే ఆయన మొహం మాడిపోయింది.