అబుధాబి: జీవించడానికి అత్యంత అనుకూలమైన నగరాల్లో రెండో స్థానం దక్కించుకుంది ప్రపంచ వ్యాప్తంగా అబుదాబీ సిటీ. జీవించడం, పని చేసుకోవడం, వ్యాపార సంబంధిత అంశాలు ఇలా పలు విభాగాల్లో 'అనుకూల నగరాల' ఎంపిక జరిగింది. ప్రపంచ వ్యాప్తంగా 16 నుంచి 64 ఏళ్ళలోపువారిని ఈ సర్వే కోసం ఎంపిక చేశారు. 18,000 మందికి పైగా ఈ స్వేలో పాల్గొన్నారు. 26 దేశాలకు చెందినవారిని ఇంటర్వ్యూ చేశారు. న్యూయార్క్‌ నగరం ఈ లిస్ట్‌లో టాప్‌ ప్లేస్‌ దక్కించుకుంది. సిడ్నీ, హాంగ్‌కాంగ్‌, కేప్‌టౌన్‌ మాస్కో, టొరంటో తదితర నగరాలకు సర్వేలో మంచి స్థానాలు దక్కాయి. 21 శాతం మంది అబుదాబీని బెస్ట్‌ సిటీగా ఎంపిక చేశారు. న్యూయార్క్‌తో పోల్చితే అబుదాబీకి కేవలం 2 శాతం మాత్రమే తక్కువగా ఓట్లు పడ్డాయి. అబుదాబీ టూరిజం అండ్‌ కల్చర్‌ అథారిటీ డైరెక్టర్‌ జనరల్‌ సైఫ్‌ సయీద్‌ మాట్లాడుతూ, అబుదాబీకి బెస్ట్‌ సిటీస్‌లో రెండో స్థానం దక్కడం ఆనందంగా ఉందని, బెస్ట్‌ డెస్టినేషన్‌గా అబుదాబీని తీర్చిదిద్దేందుకు ఎప్పటికప్పుడు వినూత్నంగా ఆలోచనలు చేసి, ఆ ఆలోచనల్ని ఆచరణ రూపంలో పెడ్తున్నామని అన్నారు. జనవరి నుంచి మే వరకు తీసుకుంటే అబుదాబీ ఎమిరేట్‌ 2 మిలియన్‌ హోటల్‌ గెస్ట్‌ అరైవల్స్‌తో తన ప్రత్యేకతను చాటుకుంది.