దుబాయ్‌: ఎన్‌ఓఎల్‌ కార్డు ద్వారా దుబాయ్‌ వ్యాప్తంగా వెయ్యికి పైగా ఔట్‌లెట్స్‌లో చెల్లింపులు చేయవచ్చునని దుబాయ్‌ రోడ్స్‌ అండ్‌ ట్రాన్స్‌పోర్ట్‌ అథారిటీ వెల్లడించింది. పబ్లిక్‌ ట్రాన్స్‌పోర్ట్‌ పేమెంట్‌ సొల్యూషన్‌ కోసం ఎన్‌ఓఎల్‌ కార్డ్‌ ఉపయోగంలో ఉంది ఇప్పటిదాకా. పలు మెట్రో మరియు పెట్రోల్‌ స్టేషన్లలో ఏప్రిల్‌ నుంచి ఈ కార్డు చెల్లింపుల కోసం అందుబాటులోకి వచ్చింది. ఇప్పుడు తాజాగా ప్రముఖ ఔట్‌లెట్స్‌లోనూ ఈ కార్డ్‌ చెల్లింపులకు ఉపయోగపడుతుంది. ఈ ఏడాది చివరి నాటికి 5 వేల స్టోర్స్‌లో ఎన్‌ఓఎల్‌ కార్డులు ఉపయోగించుకునేందుకు వీలుంటుందని ఆర్‌టిఎ - కార్పొరేట్‌ టెక్నాలజీ సపోర్ట్‌ సర్వీసెస్‌ సెక్టార్‌ సిఇఓ అబ్దుల్లా అల్‌ మదాని చెప్పారు. బ్లూ ఎన్‌ఓఎల్‌ కార్డుతో 5,000 దిర్హామ్‌ల వరకు కొనుగోళ్ళు చేయవచ్చు. సిల్వర్‌ మరియు గోల్డ్‌ ఎన్‌ఓఎల్‌ కార్డులతో 1,000 దిర్హామ్‌ల విలువైన కొనుగోళ్ళు చేయడానికి వీలుంది.