మస్కట్: రక్త సంబంధం అనే కనికరం లేకుండా ...మానసిక అనారోగ్యంతో బాధ పడుతున్న తన సహోదరుడిని కారుతో తొక్కించి నిర్దాక్షిణ్యంగా చంపివేసిన ఓ దుర్మార్గుని రాక్షస ప్రవర్తన పట్ల యావత్ ఓమాని సమాజం అసహ్యించుకొంటుంది. ఈద్ అల్ ఫిత్ర్ యొక్క మొదటి రోజున తన సొంత సోదరుడిని కారుతో తొక్కించి  చంపివేసాడు. .మౌబెలాలో కారును మానసిక ఆరోగ్యం సరిగా లేని సోదరునిపై డ్రైవింగ్ చేసి నిందితుడు దారుణంగా హత్య చేశాడు. సభ్య సమాజం విస్తుపోయే ఈ  సంఘటన గురించి తెలుసుకొన్న  మస్కాల్ పోలీసు విభాగం ప్రధాన కార్యాలయం వద్ద విచారణ మరియు క్రిమినల్ ఇన్వెస్టిగేషన్ విభాగం నుండి ఒకటవ లెఫ్టినెంట్ అధికారి  జుమ్మహ్  బిన్  అబ్దుల్లాహ్ అల క'బి మాట్లాడుతూ, తానూ ఈ కేసుని  స్థానిక పోలీసు స్టేషన్ కు  నివేదించినట్లు పేర్కొని , నేను ప్రమాదానికి గురైన స్థలాన్ని సందర్శించాను. కారు చుట్టూ పరిశీలించేక ఈ ప్రమాదవశాత్తు జరిగింది కాదని రక్తం గుర్తులు పరిశీలిస్తే బోధపడుతుందం ఆ అధికారి అన్నారు. మా పరిశోధనా బృందం వాహనం యజమాని గురించి వాకబు చేశారు. తన సోదరుడిని చంపినట్లు తన నేరాన్ని ఒప్పుకున్నాడు. ఈ హత్యలో తన తండ్రి ప్రణాళిక సైతం ఉందని తాము నిర్ఘాంతపోయేలా మరో ప్రతివాదిని చూపించినట్లు తెలిపాడు. పోలీసులతో  ఆ కసాయి తండ్రి మాట్లాడుతూ, తన కుమారుడు మానసిక అనారోగ్యంతో చాలాకాలం నుంచి బాధ పడుతున్నడని , అతని వలన తమ కుటుంబానికి ఓ పెద్ద భారం కాబడిందని తనకు ఉద్యోగం లేదని చెప్పారు. ఇంట్లో చికాకులు మూలంగా కన్నకొడుకుని కడతేరచినట్లు నిసిగ్గుగా తెలిపాడు. ఆ దుర్మార్గులైన తండ్రి కొడుకులపై చట్టపరమైన అన్ని  ప్రక్రియలను పూర్తి చేయడానికి పబ్లిక్ ప్రాసిక్యూషన్ కు పంపేరు.