క్యాపిటల్‌ సిటీలోని పలు రోడ్లపై స్పీడ్‌ లిమిట్‌ని గంటకు 60 కిలోమీటర్లకు పరిమితం చేశారు. ఇంతకు ముందు ఈ వేగం గంటకు 80 కిలోమీటర్లుగా ఉండేదని రాయల్‌ ఒమన్‌ పోలీసులు వెల్లడించారు. రోడ్డు ప్రమాదాలు పెరుగుతున్న నేపథ్యంలో ఈ చర్యలు తీసుకున్నట్లు రాయల్‌ ఒమన్‌ పోలీసు అధికార ప్రతినిథి చెప్పారు. తగ్గించిన స్పీడ్‌ లిమిట్స్‌కి సంబంధించిన సమాచారాన్ని బోర్డుల రూపంలో తెలియజేస్తున్నామని ఆయన వివరించారు. రువి, హుమ్రియా ఫ్లై ఓవర్లపై వేగాన్ని గంటకు 60 కిలోమీటర్లకు కుదించినట్లు మస్కట్‌ మునిసిపాలిటీ వెల్లడించింది.