ఓ ఎలుక, గ్యాస్‌ సిలిండర్‌కి ఉన్న వైర్‌ని కొరికెయ్యడంతో గ్యాస్‌ లీక్‌ అయ్యి, మంటలు చెలరేగగా, ఆసియాకి చెందిన 32 ఏళ్ళ మెయిడ్‌ మృతి చెందింది. గ్యాస్‌ లీక్‌ అయిన వాసన పసిగట్టిన యజమాని, స్టవ్‌ని వెలిగించవద్దంటూ మెయిడ్‌ని హెచ్చరించినా, ఆమెకు అర్థం కాకపోవడంతో ఆమె కిచెన్‌లోకి వెళ్ళగానే ప్రమాదం చోటు చేసుకుంది. గ్యాస్‌ లీక్‌ వల్ల సంభవించిన పేలుడు ధాటికి గోడ ధ్వంసమయ్యింది. తీవ్ర గాయాలతో మెయిడ్‌ అక్కడికక్కడే చనిపోయింది. ఘటన గురించిన సమాచారం అందుకోగానే సివిల్‌ డిఫెన్స్‌ టీమ్‌ సంఘటనా స్థలానికి చేరుకుంది. ఎలుకల కారణంగా ఇలాంటి ప్రమాదాలు చోటు చేసుకుంటున్నాయనీ, అందుకే ఎలుకలతో ప్రతి ఒక్కరూ అప్రమత్తంగా ఉండాలని సివిల్‌ డిఫెన్స్‌ వర్గాలు హెచ్చరిస్తున్నాయి. ఇలాంటి ఘటనలు గతంలోనూ దుబాయ్‌లో చోటు చేసుకున్నాయి.