విల్లా అంతస్థు నుంచి ప్రమాదవశాత్తు జారీ పడిన ఓ 11 ఏళ్ల వయస్సు గల ఇమిరాటీ బాలిక  తన గాయాల కారణంగా అపస్మారక స్థాయికి చేరుకొని రెండురోజుల తర్వాత మరణించిన విషాదకర సంఘటన స్థానికంగా చోటుచేసుకొంది. ఆ బాలిక షార్జాలోని అల్ గఫియా ప్రాంతంలో తన కుటుంబంతో నివసించే విల్లా పై అంతస్థు నుంచి జారిపోయి తీవ్ర గాయాలపాలయ్యంది. ఆ బాలిక తల్లితండ్రులు ఖ్అసిమి హాస్పిటల్ కు తరలించారు. అత్యవసర సేవల విభాగంలో ఆ బాలికకు చేర్పించారు. ఆమెకు తలకు తీవ్రమైన గాయాలు కావడంతో పుర్రె భాగం నుంచి అంతర్గత రక్తస్రావం జరిగినట్లు వైద్యులు పేర్కొన్నారు. రెండు రోజుల అనంతరం ఆ బాలిక మృతి చెందింది. ఆసుపత్రి వర్గాలు బాలిక మరణ వార్తను వాసిట్ పోలీస్ స్టేషన్ కు సమాచారం అందించారు. ఈ ప్రమాదంపై పోలీసులు ప్రస్తుతం కేసును దర్యాప్తు చేస్తున్నారు. ఎ ఎ ఎ గా గుర్తించబడిన ఆ బాలికను ఒక అపస్మారక స్థితిలో ఆసుపత్రికి తీసుకువచ్చినట్లు వైద్యులు పోలీసులకు నివేదించారు. ఆ బాలికను శుక్రవారం సాయంత్రం ఖననం చేశారు.