లేబర్‌ మార్కెట్‌ రెగ్యులేటరీ అథారిటీ (ఎల్‌ఎంఆర్‌ఎ), ఫ్లెక్సిబుల్‌ వర్క్‌ పర్మిట్‌ని సిట్రా బ్రాంచ్‌లో జరిగిన ఓ కార్యక్రమంలో ప్రారంభించడం జరిగింది. స్పాన్సర్‌ లేకుండా ఫుల్‌ టైమ్‌ లేదా పార్ట్‌టైమ్‌ వర్క్‌ చేసుకునేందుకు వీలుగా ఈ కొత్త పర్మిట్‌ విధానాన్ని రూపొందించారు. ఆక్యుపేషన్‌ ఆధారంగా కాంట్రాక్ట్‌ పద్ధతిన వర్క్‌ చేసుకోవడానికి వీలువుతుంది. ఫ్లెక్సి పర్మిట్‌, ఫ్లెక్సి హాస్పిటాలిటీ పర్మిట్‌ అని రెండు అంశాలు ఇందులో కీలకం. నాన్‌ స్పెషలైజ్డ్‌ జాబ్స్‌ కోసం ఫ్లెక్సి పర్మిట్స్‌ని ఏర్పాటు చేశారు. అయితే ఈ విధానంలో రెస్టిరెంట్లు, సెలూన్లు, హోటల్స్‌లో పనిచేయడానిక వీలు లేదు. ఫ్లెక్సి హాస్పిటాలిటీ పర్మిట్‌ మాత్రం నాన్‌ స్పెషలైజ్డ్‌ జాబ్స్‌ అన్నిటికీ వర్తిస్తుంది. దరఖాస్తుదారుడికి కనీసం 6 నెలలు చెల్లుబాటయ్యే పాస్‌పోర్ట్‌ని కలిగి ఉండాలి. పర్మిట్‌ రద్దు కాకుండా ఉండేందుకు నెలవారీ ఫీజులు చెల్లించాల్సి ఉంటుంది. చెల్లుబాటయ్యే బ్లూ కార్డ్‌ కలిగి ఉండాలి. కింగ్‌డమ్‌కి సంబందించి చట్టాలు, నిబంధనలకు లోబడి వ్యవహరించాలి.