కావలసిన పదార్థాలు: పచ్చిశెనగ పప్పు - 1 కప్పు, కనోలా ఆయిల్‌ - 2 టీస్పూన్లు, ఎల్లో ఆనియన్స్‌ - 2, టమాటాలు 2, కారం - 1 టే.స్పూను, పసుపు, ఉప్పు - తగినంత, కొత్తిమీర - గుప్పెడు, పచ్చిమిర్చి - 3, బీరకాయలు - 3.
తయారీ విధానం: పచ్చిశెనగపప్పును రాత్రంతా నీళ్లలో నానబెట్టాలి. పాన్‌లో పచ్చిశెనగ పప్పు వేసి రెండు కప్పుల నీళ్లు, ఉప్పు వేసి మరీ మెత్తగా కాకుండా పదునుగా ఉడకబెట్టాలి. బీరకాయలు కడిగి తొక్కు తీసి ముక్కలు చేసి పెట్టాలి. కుక్కర్‌లో నూనె వేసి వేడయ్యాక ఉల్లి ముక్కలు వేసి వేగించాలి. తర్వాత టొమాటో ముక్కలు, కారం, ఉప్పు, పసుపు, కొత్తిమీర వేసి కలపాలి. తర్వాత బీరకాయ ముక్కలు వేసి అర కప్పు నీళ్లు పోసి కలపాలి. 5 నిమిషాలకు ఇవి మెత్తబడతాయి. అప్పుడు పచ్చిశెనగ పప్పు మిశ్రమం నీళ్లతో సహా వేసి మీడియం మంట మీద 10 నిమిషాలు ఉడికించాలి.