కావలసిన పదార్థాలు: వేగించిన బ్రౌన్‌ బ్రెడ్‌ స్లైసులు- 6, ఉడికించిన మొక్కజొన్న గింజలు- 1 కప్పు, చీజ్‌ తురుము- 2 టేబుల్‌ స్పూన్లు, వెన్న- 1 టేబుల్‌ స్పూను, ఉల్లిపాయ, క్యాప్సీకం, టొమేటో తరుగు - 1/4 కప్పు చొప్పున, ఆవపొడి- 1/4 టీ స్పూను, మిరియాలపొడి- 1/2 టేబుల్‌ స్పూను, పాలు- 1/2 కప్పు, మైదా- 1 టీ స్పూను, ఉప్పు- రుచికి సరిపడా. 
తయారీ విధానం: వెన్నలో ఉల్లిపాయ ముక్కలు రెండు నిమిషాలు వేగించాలి. తరువాత మైదా వేసి కలిపి సన్నని మంటపైన ఐదారు సెకన్లు ఉడకనివ్వాలి. ఇప్పుడు పాలుపోసి చిక్కబడే వరకు కలుపుతూ ఉండాలి. క్యాప్సీకం ముక్కలు, మొక్కజొన్న గింజలు, టొమేటో ముక్కలు, చీజ్‌, ఆవపొడి, ఉప్పు, మిరియాల పొడివేసి ఐదు నిమిషాలు ఉడికించి దించేయాలి. ఈ పదార్థాన్ని బ్రెడ్‌ స్లైసుల మీద వేసుకుని టమోటో సాస్‌తో తింటే బావుంటుంది.